【Viu】泰國人氣CP「BKPP」Billkin、PP Krit今日喺沙田出席《關於我和鬼變成家人的那封利是》首映禮，吸引過千Fans迫爆3層商場，尖叫聲震天！兩位亦喺台上笑談廣東話「我哋愛你」同「利利是是」，又互笠高帽，令Fans再度嗌爆！
受訪時，BKPP識做大晒廣東話：「大家好！」又笑言唔興嗌Fans做「老婆」，反而想同大家講：「我愛你哋！」佢哋又話噚日謝票收到Fans送Labubu好開心，仲預告如果票房好的話，會再嚟香港謝票！期間鬼馬嘅BKPP不斷同Fans玩尖叫遊戲，又好好招呼咁遞咪，可愛爆燈！
講到Billkin喺片中有裸露戲份，佢就希望大家唔好只注重呢啲場口，自己亦冇刻意加操，希望呈現「Real Size Beauty」。想睇呢對最強CP就睇足本訪問啦！
