【Viu】英皇電影喺金像獎頒獎禮之後舉行《破．地獄》慶功宴，老闆楊受成孖出爐影后衛詩雅同「最佳男配角」朱栢康齊齊開香檳慶祝，失落影帝嘅許冠文未有現身。詩雅受訪時見到朱康又想喊，朱康笑言原本打算型爆上台，冇諗過自己喊咗10公升眼淚！佢哋笑言想拎埋所有獎，仲承諾唔會加片酬，希望同電影業共渡時艱！講到「爸爸」失落影帝，兩兄妹都話相信「Hello文」會戥佢哋開心！
至於半帶醉意嘅楊老闆，不斷游說林家謙加盟英皇，仲話唔簽佢正龜蛋，又提議陳茂賢即刻開套歌舞片畀家謙！想知超I嘅家謙點招架熱情如火嘅楊老闆，記得睇足本訪問喇！
