【Viu】電影《送院途中》今晚舉行首映禮，導演卓韻芝率領一眾演員古天樂、潘燦良、Angela袁澧林、蘇悅弦等現身！期間Daddy古天樂喺台上「訓示」戲中囡囡蘇悅弦下次要着多件衫，引全場發笑！
古天樂受訪指電影喺疫情時期拍攝，所以壓力都幾大！潘燦良就話未睇過套戲，透露自己喺戲中負責揸救護車，有幾幕驚險嘅飛車場面！佢又話希望大家睇完會認識更多救護員呢一個職業，唔知佢哋到時會唔會着制服去謝票，嚟個制服誘惑？
笑提網上有content farm指古天樂因眼傷暫退娛樂圈，古天樂聽到又點回應？卓韻芝早前受訪自爆曾想換走Angela，古天樂就話未聽過啦，都希望留多啲機會畀新人！
再講到佢喺「香港名家講座」道出2028年係香港電影換血嘅關鍵年期，又讚揚依家嘅新演員會主動上台進修，進步好快！有傳梁朝偉會參演《九龍城寨之龍頭》，堅唔堅？定係如郭富城所願搵周潤發演出？而噚晚杜琪峯開P慶祝70大壽，原來係古天樂策劃㗎，見返唔少老朋友呀！
另外，對外傳好友鄭中基離婚，並疑因贍養費、撫養權鬧上家事法庭，古天樂謂有同過鄭中基電話聯絡，惟現階段先畀空間對方，等所有事情settle down好晒後會再約見面！想知就真係要睇足本訪問啦！
