【Viu】Edan、姜濤、Jeremy同Anson Lo今日出席小組團綜《呂濤米Lo Seoul》記者會，除咗分享震驚鏡粉界嘅「著衫浸溫泉」典故外，當然唔少得一系列回應啦，首先有Jeremy首度開腔回應新歌《Tie Me Now》嘅風波，強調自己冇抄襲意圖，之後創作會更小心謹慎，亦親解新版嘅用意，感謝Unicorns喺網上一直為自己護航。
至於Edan就重申開Live係想同爵屎溝通，多謝大家不離不棄，所以想做返「ED偶像」，做自己想做嘅事，講自己想講嘅嘢，仲話因為自己追求林明禎而令女方備受刁難覺得困擾，並唔係借Live而確認關係。而Anson Lo就直認係團隊中嘅「樹窿」，經常聽大家講心事，但好多時都愛莫能助，希望隊友肯跟自己去跑步同Grounding，平衡生活。
此外，講到姜濤早前喺訪問度自爆「成日搞好多屎畀自己食」，佢就坦言生日願望係可以「大家都食少啲……」明嘅明！姜Admin仲回應返海洋公園嘅「扭眼瞓風波」添，想聽一眾當事人現身說法就睇足本訪問啦！
