【Viu】郭富城今日型爆出席《黑帝斯HADESIS法國干邑品牌發佈會》，分享品酒心得，原來今次仲係城城入行以來第一次代言靚酒，當然開心到爆啦！城城笑言18歲年少輕狂時試過醉到攬住馬桶劏，依家就最緊要開心，老婆方媛就係最好酒腳，所以屋企酒櫃都珍藏咗幾百支靚酒㗎！
講到日前慶祝結婚8周年，城城冧爆放閃，除咗帶太太食法國菜飲靚酒外，仲送咗花同禮物，花束仲係由太太親自挑選，覺得咁至浪漫喎！對於撰文「愛如初見」獲網友激讚Sweet，城城就繼續放閃話：「我從來唔信七年之癢，我好專一㗎！」笑問兩個寶貝女有冇話將來要以爸爸做Demo嚟搵老公呢？城城就秒變「呷醋外父」，超Cute呀！
既然同太太咁恩愛，憑《臨時劫案》提名金像獎「最佳男主角」嘅城城，會唔會攜眷行紅地氈呢？得獎信心又如何呢？講講吓，連《九龍城寨之龍頭》係咪由梁朝偉出演「雷震東」一角都講埋，想知就睇足本訪問啦！
