【Viu】由談善言同「小野」盧鎮業主演嘅電影《虎毒不》即將上畫，喺戲中飾演新手父母嘅阿談同小野，已經得到業界肯定，喺金像獎分別提名「最佳女主角」同「最佳男配角」；阿談仲喺《第31屆香港電影評論學會大獎》首度封后，不過兩位都話對獎項平常心，有份提名已經當贏，阿談仲笑言因為好多朋友齊齊行紅地氈，最驚自己「玩創」個心而出醜！
講返《虎毒不》，阿談坦言同BB演戲難度高，除咗驚整親佢哋，仲畀啲喊聲搞到PTSD，估計自己將來都唔會生仔㗎喇！至於小野就對生B一事隨緣，只希望自己唔似角色一樣係「豬隊友」，有呢份心都已經係「神隊友」嘅保證啦！
