【Viu】「6膠」嘅Edan、Jeffrey、阿正、岑珈其、Hillary、肥腸喺今晚嘅《膠戰 RUN FOR YOUR LIVE》分別化身「膠利略」、「還俗膠僧」、「膠零山主持」、「馬戲班橡膠人」、「黐膠花大王千金」同「膠雲長」，當佢哋自我介紹時，正姐當然唔會放過自肥嘅機會，先係爆肚自稱係「美貌擔當」，又話同弟子「還俗膠僧」Jeffrey有過一段情，Jeffrey都冇佢咁好氣呀！
至於向來對4個中文字有障礙嘅「煨Sir」Jeffrey，讀出「還俗膠僧」時明顯口窒窒，搞到「膠利略」Edan同「膠零山主持」阿正都忍唔住幫口。而珈其讀出「馬戲班橡膠人」嘅特長係可以伸長到185cm時，即全場爆笑，各位觀眾都好Mean囉！
