【Viu】林峯相隔9年再戰紅館，一口氣連開7場破咗自己開騷紀錄！今日舉行終極加場記者會，林峯開心宣布騷前會再出新歌、保留Let’s get wet呢個「傳統」，又預告到時會向fans派福利！去到記者會尾聲，古天樂驚喜現身打氣，林峯搞笑借司儀阿正把口邀請古天樂做嘉賓，估唔到古天樂一口答應，話要由頭跳到落尾，仲話要一齊wet，堅唔堅呀？
事後林峯笑話順應古老闆意願，佢想跳唱邊首就邊首，到時會唔會有part係for《城寨》？林峯就笑答「唔G」留伏線！而古天樂就話唔夠時間排舞，但都可以唱歌嘅，佢仲度咗一條絕世好橋畀林峯同fans互動，聽到都笑爆嘴呀！古天樂又趁機笑住呻有唔少朋友搵佢訂飛，話呢件事纏繞咗佢好耐，自嘲係售票處，笑死！
林峯預告到時開騷會由頭跳到落尾，叫定觀眾同佢一齊high，有冇嘉賓list先？啲歌衫會唔會好sexy？而對連開7場演唱會破紀錄，林峯笑指預咗到時會每兩日改一次size，依家就努力操弗，唔知老婆張馨月滿唔滿意佢副body？另外，張馨月近日再惹是非，疑自認用假貨手機殼，林峯則婉拒回應。快啲睇足本訪問啦！
