【Viu】Tiger@MIRROR同Gao@COLLAR喺ViuTV原創劇《麻甩媽咪》中分別飾演揸住把「痴心情長劍」嘅「車房仔」哈利，叫得哈利，當然「係愛呀」㗎喇，為咗追求Gao演飾嘅Cool爆Rene，扭盡六壬，相信一班「小虎隊」實會睇到「姨母笑」！
咁現實中嘅Tiger又似唔似「哈利」呢？估唔到阿Gao似乎好清楚師兄嘅感情生活，大讚佢係「絕世好男友」，搞到虎仔「紅都面晒」，變咗Cute Cute虎呀！Tiger直言同角色一樣好識撒嬌，平時沉默寡言嘅佢，仲即席Chok聲示範嗲人，想齊齊「暈船」就睇呢個訪問啦！
