【Viu】資深演員陳秀珠、陳安瑩、陳輝虹同黃文慧今日出席ViuTV原創劇《麻甩媽咪》記者會，珠姐大讚飾演阿仔嘅Frankie靚仔，單係見到已經覺得Sweet，仲話自從MIRROR成軍後，電視基本上長開99台，連最新團歌《手印》都有睇，真鏡粉嚟㗎！至於安瑩姐就話12個都愛，聽到Tiger將於星期六日開騷，仲猛話要睇，超可愛呀！而陳輝虹亦發揮搞笑本色，不時按捺住兩位興奮嘅鏡粉，叮囑佢哋要小心啲講嘢！
對於資深演員魯振順早前控訴被友台Cut騷，曾志偉回應指長江後浪推前浪係正常事，亦冇一個藝人可以做到老，珠姐坦言此番言論好Odd，事關資深藝員係寶物，電視台應該更加珍惜；安瑩姐就話活到老學到老，只要與時並進，身體條件許可，總有角色啱做嘅！啱呀！
此外，鄧兆尊早前喺網台爆有女星釣六金龜意外懷孕，惹來網友揣測當事人係珠姐，佢勞氣咁話唔想回應，仲話：「叫佢做多啲善事啦！學吓佢爸爸！」想知咩事咁激動，記得睇足本訪問喇！
