為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
【Now.com】鄧麗欣 (Stephy) 一連3場《STEP by STEPHY 鄧麗欣紅館演唱會2025》，尾場 (16日) 有Cookies (只欠傅穎和Serena) 合唱送上《心急人上》再加《Forever Friends》，完場前Encore《中華冷面》和 Cookies的《最後一塊》，為Stephy首個紅館演唱會劃上句號。
至於在Stephy個唱第二晚，老闆林建岳博士、Cookies成員吳雨霏（Kary）、楊愛謹（Miki）、區文詩（Angela）、何綺玲（Elaine）與陳素瑩（Gloria）、陳嘉寶、何嘉莉、DJ森美、填詞人Oscar、小肥、吳若希等都前來捧場。
曾與Stephy在電影《我談的那場戀愛》合作的張天賦（MC）擔任這晚的表演嘉賓，二人合唱《好心好報》，更還原電影中Stephy替MC打領帶調情戲，MC亦交足戲，表演一秒耳紅。
Stephy笑指MC耳仔發紅，MC說：「其實我好緊張，因為好少同你咁近距離，上次係拍戲打呔嗰陣，所以依家都有啲餘韻，好緊張！」他坦言綵排時見到Stephy高跟鞋好高，令他不敢靠近。Stephy對他說：「其實拍戲先至真正認識你，之前只係聽過你啲歌，知你唱歌好好聽⋯⋯」MC插咀：「我好早認識你！」Stephy無奈一笑。
MC又話：「我每次演出最緊張係記歌詞，有時要靠提詞機，但今次合唱呢首歌我唔擔心，因為啲歌詞我好熟，我好自信可以望住你唱。」Stephy說：「唉，你講啦，細細個去唱K成日唱吖嘛，我畀你講，無所謂！」MC不客氣，表示今次與Stephy合唱成就解鎖，完成兒時夢想。
演唱會尾聲，Stephy透露演唱會期間，大銀幕展示的畫，是她特別為今次演唱會而畫。她說：「雖然準備演唱會好忙，但我堅持畫畫，因為除咗唱歌跳舞表演之外，希望視覺上都加入自己嘅心思。可能只有我自己明白，例如創作期間嘅思考，都可以注入一啲神秘嘅力量，融入演唱會。」
歌迷熱情大嗌encore，Stephy再出場唱《最後一塊》後，與樂手向觀眾謝幕，為第二晚演唱會完滿結束。
