【Viu】MIRROR妹豬小組一個星期前飛韓國拍小組團綜，其中Edan呂
爵安日前已先行回港，而姜濤、Anson Lo盧瀚霆及Jeremy李駿傑
就齊齊今晚搭機返港，吸引過百粉絲到場接機！三位男神大概十二點左右步出機場受訪，講到今次行程，佢哋話團綜有好多特別嘢，好多驚喜，想知？到時睇咪知囉！至於有遊客撞見佢哋拍攝，仲拍咗姜濤燒綿花糖時竟然有啲呆呆哋，佢親自解釋本身驚玩呢啲嘢，所以覺得有少少唔舒服！
講到有冇時間shopping，購物擔當撈撈話都有去買一兩次日用品，但就冇大shopping！Jeremy就話長期日日瞓得幾粒鐘，好攰呀！講到點解Edan提早返？Jeremy解釋因為Edan屋企有急事，要趕返嚟處理！咁唔通要花姐頂Edan個位？花姐笑言：「得人工就要做呢啲嘢！」佢哋臨上車都有向fans揮手致意，撈撈仲彈下彈下紮紮跳添，睇足本訪問啦！
