【Viu】「皇后」Ivana王菀之完成一連兩場紅館個唱後直落慶功受訪，佢直言當初門票開賣秒售罄對佢嚟講係好大力量，堅係諗住想加場，但喺各項因素下唔成事，所以皇后話maybe有Part 2，下次紅館再見唔使再等11年啦！
騷前落力操弗，Ivana開心話雖然磅數唔係跌咗好多，大約11、12磅，但肌肉嘅比例就好咗，更搞笑公開「治療」過程，例如同伯伯開心share健身帶、教練比佢瘦得快等，笑料百出！問到騷後想唔想keep住副靚body？Ivana抵死話想keep㗎，但往往完騷就極速反彈，轉頭仲諗住食buffet、雞蛋仔醫肚添！咁「皇上」張敬軒有冇份食？
軒公連續兩晚為皇后站台，Ivana話尾場變背對背係佢嘅idea，更自爆back hug皇上嗰個moment嘅OS，聽完保證笑到有腹肌！皇后指呢個行為藝術係承載住二人呢20年嘅成長，故成part都好感動！談及頭場有觀眾叫囂，皇后體諒話冇受到影響！至於皇上踢爆佢帶病上陣，Ivana派定心丸話冇咁大件事，只係聲帶出現少少問題啫！另外，跳舞嗰part原來暗藏內幕，想知係咩？即刻睇片，由皇后親自解答！
