【Viu】林海峰今日現身新車發布會，搞笑形容高危指數5**，事關驚隨時唔見錢，所以奉勸所有男藝人小心接有關車、錶嘅event，而佢笑言呢次係因為時運低先中「陷阱」啫！不過，車同時亦推動到佢努力搵錢，買車又使唔使經老婆彭羚批准？
成日話對男人嚟講，車就係第二個老婆，咁唔知林公子又收埋幾多個「老婆」？佢自稱談唔上真係好愛車，但就好愛洗車，每次洗「老婆」都會摸吓佢，可以洗滌心靈咁話喎！講講吓，話題急轉彎，變咗堅係洗老婆彭羚，林公子對「洗彭羚」呢個議題又會點爆笑回應？
林公子預告即將返「鄉下」跑馬拉松，佢話唔太擔心天氣嘅問題，仲book咗間餐廳跑完即刻去食，咁就推動到自己跑快啲！另外，講到佢喺月初商台搞嘅賀歲波，踢入咗一粒波，林公子笑話見好就要即刻收，仲要即閃添，細個「我的志願」真係想做職業足球員？呢條笑到有腹肌嘅訪問片，超適合食完lunch放鬆睇，enjoy！
