【Viu】ViuTV原創劇《弊傢伙！我要去祓魔》自播出以嚟，吸引唔少網友討論，由朱栢謙飾演嘅玄門正宗會長萬無極、Rosa韋羅莎飾演嘅「萬太太」唐馨，同埋Xenia莊韻澄飾演嘅LUCKYLAND姑娘陳丹心，仲譜出一段淒美嘅三角戀添！
老友鬼鬼嘅朱謙同Rosa坦言親熱戲係越熟越難拍，除咗要「敲門」傾心事外，尷尬到連Play Back都唔敢睇。而首次拍親熱戲嘅Xenia，同樣壓力超大，事關朱謙同Rosa都係「大師級」，嚇到自己連一場自我介紹戲都淆底呀！
雖然親熱戲有難度，但異次元題材就啱晒「中二病」嘅朱謙同Xenia喇！想知佢哋有幾Funny，記得睇專訪喇！
