【Viu】電影《看我今天怎麼說》今日舉行慈善首映禮，影帝張家輝專程嚟撐金馬影后鍾雪瑩，超surprise！家輝哥講起同鍾雪嘅相識經過，原來係喺電影節，當時佢哋承諾會互撐大家嘅作品，所以家輝哥今晚守承諾現身！
家輝哥指睇住鍾雪入行，覺得佢依家發展得幾好，好欣賞佢飾演每個角色都放得好開，大讚係一位好嘅女演員，又恭喜對方金馬封影后兼提名金像獎「最佳女主角」！唔知二人之後有冇機會合作？為鍾雪開戲？家輝哥笑話可演情侶！
另一邊廂，「鍾說」為家輝哥填詞？家輝哥幽默笑指想jam返首新版嘅《相思風雨中》 ，堅係笑爆嘴！另外，金像獎日前宣布咗入圍名單，家輝哥有咩心水？問到睇唔睇好老友劉青雲再捧走影帝獎座？佢就笑話能者居之！最後鍾雪仲把握機會拉票添！醒目女呀！
