0
0
足本訪問:「第四十三屆香港電影金像獎」記者會 《破•地獄》共獲18項提名最多 文雋稱民意所在 爾冬陞興奮為秦沛 李琳琳拉票 談點解決「座位災難」? 唔擔心下年唔夠戲 派定心丸:金像獎唔會消失!

足本訪問:「第四十三屆香港電影金像獎」記者會 《破•地獄》共獲18項提名最多 文雋稱民意所在 爾冬陞興奮為秦沛 李琳琳拉票 談點解決「座位災難」? 唔擔心下年唔夠戲 派定心丸:金像獎唔會消失!


【Viu】香港影壇年度盛事「第四十三屆香港電影金像獎」,今日喺文化中心舉行記者會,由4位特別嘉賓Angela袁澧林、Marf@COLLAR、George@P1X3L、謝咏欣宣讀19個獎項嘅入圍名單!


當中《破•地獄》囊括本屆共18項提名,成入圍最多電影!緊接係《九龍城寨之圍城》有14項提名!而其中三個大獎,「最佳電影」五強為《九龍城寨之圍城》、《爸爸》、《看我今天怎麼說》、《破·地獄》、《從今以後》;「最佳男主角」入圍者有林峯、劉青雲、游學修、許冠文、郭富城;爭「最佳女主角」則有衛詩雅、鍾雪瑩、談善言、區嘉雯、許恩怡,全部競爭激烈!


主席爾冬陞、副主席文雋喺記者會後受訪,雖然笑話冇特別心水人選,但爾冬陞提到大哥秦沛、二嫂李琳琳分別入圍「最佳男、女配角」,佢都難掩喜悅,仲好積極咁話要幫手拉票添!問到頒獎嘉賓名單,爾冬陞微笑話要保留神秘感!


文雋則指對名單感到意外,無論係入圍或落選,更謂名單彰顯新生代演員長江後浪推前浪,幸好仲有資深前輩許冠文頂住,認為《破·地獄》成入圍之冠係民意所在!至於文雋所講係邊個?佢就大賣關子話留喺網台節目分享,提到佢早前狠批電影評論學會冷待《破·地獄》,佢又有咩回應?


以往每屆都會出現嘅「座位災難」,爾冬陞今屆又點解決?而今屆亦係爾冬陞服務金像獎第10個年頭,一直「纏繞」住佢嘅最大難題就係搵接班人,佢笑話想搵文雋重出江湖,文雋又點答?談及今屆入圍港產片46部,略低2023年度嘅50部,加上有指港產片步入冰河時期,會唔會擔心下年唔夠戲?爾冬陞派定心丸話點都好,就算頒獎禮規模縮細嚟搞,金像獎係唔會消失!

  1. 更多