抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
廣告
【Now.com】鄧麗欣（Stephy）推出新歌《不可得》，邀得好戲之人梁仲恆（阿炳）擔任MV男主角。拍攝當日氣溫急降，阿炳於清晨五時冒着十度低溫拍落水戲，笑言甘為Stephy拼命演出。而Stephy拍攝與劉皓嵐（飾演阿炳童年）分離場口時真情流露，淚流滿面，演出細膩動人！
《不可得》MV從阿炳的夢境出發，講述當人面對失去時的抉擇。其中一幕講到阿炳在夢中遇溺，雖然拍攝清晨氣溫只有十度，不過阿炳笑言在水中掙扎加促血氣運行，所以並沒有想像般寒冷。
阿炳搞笑稱：「本身有少少想推，但因為導演Kendra話Stephy會同我一齊落水，我即刻拼咗條命出去，點知原來係騙局嚟。」Stephy鬼馬回應說：「嗱！唔關我事，我係唔知呢單嘢，我一早講咗唔會落水。我心諗，阿炳咁好嘅，咁樣落水都肯。」
MV另外一幕講到阿炳夢見小時候與Stephy相處的美好時光，Stephy與飾演阿炳童年的劉皓嵐一同吃飯，還親手切蘋果給對方。她隨後帶着行李離開，皓嵐追到門前，二人對望相擁時，Stephy淚流滿面難掩不捨之情，場面感人。阿炳呷醋：「皓嵐同Stephy有對手戲，但我冇，我就覺得唔公平嘅。我以為有落水戲，最後直頭連對手戲都冇，天大騙局。（Stephy：咁你而家係咪想走？）唔係！我見到你都開心。」
Stephy將於3月舉行首個紅館演唱會，她透露籌備情況：「心情都幾複雜，最近要處理好多嘢，例如呢首歌，新鮮錄好幾日就嚟拍MV，仲有啲電影宣傳。除咗呢啲，剩低嘅時間就一心一意準備演唱會。」
