【Viu】林峯、堪輿學家李丞責博士今日出席商場開年活動，同大家拜年超熱鬧！阿峯指除咗帶妻女四出拜年之外，仲去咗轉旅行滑雪添！不過阿峯就話嚟緊5月開紅館騷，唔敢食得咁勁，係咪要ready副body操肌？阿峯透露開騷前會出多3首歌，有快歌、慢歌，fans大飽耳福啦！
阿峯預告仲有差唔多一個星期就會開新戲，講到去年尾勇奪入行25年首個電影獎項，一嚟仲係攞影帝，係咪會承接電影佳績，今年拍多啲好戲？阿峯坦言攞到首座影帝係打咗支強心針，希望可以再接再厲！談及古天樂為造就佢封金像影帝，降level報名男配，阿峯感動多謝古天樂一直以嚟嘅照顧，依家有古生加持，攞獎會唔會大咗壓力？而《城寨》又傳嚟好消息，破日本票房1億日元，阿峯遲吓會唔會拉大隊飛日本謝票？特別會注意安全、小心流感？
至於李丞責博士更醒咗啲開運發財tips畀大家添，究竟今年適唔適合出遊？要注意邊啲數字？邊兩個生肖今年行運？邊個生肖要小心啲？邊睇足本訪問邊mark低啦！
