【Viu】賀歲片《哈哈哈新年喜戲》今晚舉行首映禮，一眾演員「黑哥」姜皓文、Dada陳靜、李璨琛、Bob林盛斌等現身！Dada、李璨琛、Bob都話係受黑哥嘅「召喚」參演，仲話最開心係飛咗去馬來西亞拍攝，有「地膽」黑哥帶住周圍去食好西！
Dada預告戲中同黑哥有感情線，最大挑戰係二人要跳一段舞！新戲由「姜太」殷寧擔任編劇，Dada同黑哥演親密戲嗰陣會唔會尷尬㗎？戲服方面係咪走性感路線？
日前Bob喺社交平台出post，爆16歲大女霏霏話要喺新年帶男朋友嚟拜年，更係首次見個女嘅男朋友添！Bob話見面嗰刻好「㷫」呀，點解嘅？又有冇如李璨琛所講由上到下咁打量個男仔？Bob指就連朋友都覺得個男仔幾乖、幾高、幾靚仔，又大讚個男仔都好識做，有帶見面禮嚟㗎！
Bob幽默笑話有同個男仔講拍拖最緊要係開門，笑到Dada、李璨琛碌晒地，咁唔知育有兩個女嘅李璨琛又有冇諗定到時見個女嘅男朋友嘅情形？另外，Bob帶埋屋企人喺初五搵汪明荃、羅家英拜年，同場撞見Edan、Anson Lo，又發生咗啲咩笑料？Bob見老婆同登神selfie呷醋？霏霏問登神拍拖tips？想知就要即刻去睇足本訪問啦！
