【Viu】洪嘉豪同阿正黃正宜今日出席手機活動，兩位搞笑之人喺訪問中瘋狂搞Gag，笑口常開呀！嘉豪預告今年回歸唱作人身份，希望3月推出自家作品；正姐就話日日都想有桃花，仲聽晒七師傅話自認係雞，要去北方求偶，又分享同男神Jeremy過新年有幾咁開心！
講到網友指嘉豪同韓星崔昌珉撞樣，連阿正都覺得似噃！嘉豪就話年輕時係「（身材）不良少年」，唔夠Oppa型英帥，乜咁謙呀洪生！至於聽日要出戰903賀歲波，嘉豪自封「藍田柏迪」，仲話想贏，等你好消息啦！
此外，嘉豪同阿正都祝賀好友岑珈其再做爸爸，仲爆「爺爺」之前點樣密封喜訊添！想知就睇足本訪問啦！
