【Viu】喜訊！爆笑組合「卵之只」楊偉倫、Ivana王菀之、白只再度合體！佢哋今次re-u搞邊科？咪就係孖AK@MIRROR、童童@小薯茄、Rosa韋羅莎一齊演出舞台劇《SUCK樂園》囉！睇見呢個組合嘅人腳，咁多位笑匠聚首一堂，真係未入場先笑呀！
食返舞台劇「SUCK」呢個主題，卵之只人生中遇過最SUCK嘅事又係咩？阿卵受AK踢班際足球「兩枝水」嘅啟發，開心share咗一段打班際籃球賽類近嘅case，究竟阿卵衰咗邊瓣？白只就分享咗同朋友鬧交嘅傷心事，男人之間嘅事點了結？輪到Ivana，講到女人終身事業—減肥，近排佢遇到啲咩樽頸位？就連荷爾蒙都拎埋出嚟講，true到爆！
講返佢哋當年嘅合作，Ivana重提同兩位俊男曾經同居過，佢形容當時見盡阿卵、白只嘅百態、真性情，有咩料爆先？最後佢哋更爆埋老友梁祖堯嘅台上瘀事，呢舖真係笑死無命賠呀！另外，想知卵之只喺《SUCK樂園》有咩爆笑突破？白只要扮動物叫？邊個會玩雜耍？Ivana練定腹肌？阿卵諗定爆肚位？快啲睇片一齊笑餐飽啦！
