【Viu】ERROR順利完成《WHAT’S GOING WRONG??》演唱會，喺台上已經令大家笑爆嘴嘅四子，完騷後受訪繼續暴走，首先「Titanic aka Dee哥」還原患紅眼症嘅經過，點知一句「畀嘢銀親」就成為「出櫃鐵證」，SLDPK呀！而壽星仔保錡就大方分享生日願望，同全港巿民一樣係想中六合彩兼發達，真心不能認同更多喎！
至於193就自爆講稿冇經兄弟過目，所以最驚自己話Candy@COLLAR似肥仔會嬲豬，又解釋做咩公開自抽「法拉利事件」，聽落都有道理嘅！肥仔就強調冇刻意扮志偉前輩把聲，只係想用返當年個tone去呈現經典歌曲，講講吓四子仲自封係「香港BIGBANG」，想笑住瞓就睇足本訪問啦！
