【Viu】農曆新年有聚會嘅話，實走唔甩小賭怡情嘅，試試手氣攞個意頭嘛！但個個都小賭，唔通個個都鍾意小賭咩？就好似張繼聰咁，佢喺賀歲片《祥賭必贏》入面係好憎「老婆」阿Sa蔡卓妍賭兩手，至弊阿Sa個賭癮又鬼死咁大，究竟佢可以點瞞住阿聰盡地一舖呢？
而現實中嘅阿Sa又的確有「賭后」嘅封號，打麻雀、啤牌樣樣掂，仲搞笑爆埋曾經同「巨豬」Stanley、Jeremy開枱添，唔知佢覺得佢哋邊個嘅牌術高明啲呢？至於阿聰就話唔識打牌，平時負責派錢多，而喺戲中就負責派笑彈，成日同「Oppa」朱栢康鬥嘴，仲要拉埋阿Sa落水添！
講起朱康戲中飾演中韓混血兒，阿Sa心心眼大讚朱康好靚仔，又篤爆埋好姊妹Joey容祖兒都有同感！咁會唔會介紹朱康畀Joey識先？阿聰大爆朱康好鍾意夜媽媽、專揀凌晨時分冧女，係點冧法？又有冇灌輸朱康呢type好男人嘅概念畀寶貝囡Kakaball？轉數超快嘅阿聰秒諗到勁抵死答案，聽完保證你哋笑到有腹肌！
