【Viu】《CHILL CLUB》啟動全新音樂企劃，同日本著名YouTube 音樂頻道「THE FIRST TAKE」合作舉辦歌唱比賽《CHILL CLUB X THE FIRST TAKE：The Stage of Voice》！今日舉行記招搵嚟曾經上過TFT嘅5位歌手Jer@MIRROR、陳柏宇、Phil林奕匡、Cath黃妍、Mischa葉巧琳，同大家分享當時感受、想搵邊個歌手踢館！
Jer呢日單拖對4位SONY歌手，搞笑自稱係交際花，又酸爆「斥」Jeremy跟咗大表波Stanley去日本滑雪！講到佢提醒參賽者要早啲起身開聲，揭獨門開聲秘笈就係扮動物叫，搞到陳伯都勁好奇！之後輪到陳伯開心share開聲事，又自爆細個用留言功能錄音嘅黐線事，陳伯人生充滿趣事！笑問陳伯係咪堅會培訓兩位囡囡Abi、Audrey去踢館，點知佢竟然縮沙！
繼早排Edan自爆下年半開騷，呢日Jer都爆騷期，仲預告嚟緊會有創作新歌聽添！至於嚟緊初八嘅嗰場明星足球賽，Jer戰戰兢兢咁透露會有3隊、會有陳健安、可能會有AK、可能會有港隊足球員等，呢單嘢真係令人好期待呀！
據知Gigi炎明熹會加盟SONY唱片公司，唔知4位SONY又收唔收到風呢？陳伯抵死食字話收到Phone（電話）報導，仲笑話除咗緋聞之外唔會八卦其他嘢！Phil、Cath、Mischa都口供一致話唔清楚，但就表明好欣賞Gigi呢位唱得之人！另外，陳伯近日坐電車站宣傳個唱被網民指睇落好心酸，陳伯個回應又點再一次surprise到大家？Phil患腸胃炎情況如何？Cath、Mischa嚟緊上歌唱比賽踢館？足本訪問已ready好啦！
