【Viu】Ali李佳芯回復自由身後首出公開活動，指雖然完約，但心態上係冇改變到，繼續裝備自己，就好似去年佢去唔同地方如台灣、美國進修戲劇、藝術等短期課程！Ali話舊公司曾挽留過佢，當中更拉鋸咗差唔多成年，惟最終都係談判唔成功，「死因」係咩？最令佢感意興闌珊嘅莫非係連續兩年台慶都被打格仔、無視處理？講到舊公司呢日冇派記者採訪，Ali大方笑住回應：「睇嘢唔使睇得咁清楚！」
離巢後Ali透露有同唔同公司傾合作，嚟緊都想嘗試拍電影，咁唱歌方面呢？依家視野擴闊咗，有冇興趣同唔同電視台嘅藝人合作？Ali怕醜話有留意MIRROR，可以一嚟就試姊弟戀，唯一條件係對方要高過佢嘅，唔知女神有冇指定人選？
事業上有新發展，戀情上又有冇好消息？Ali話上堂嗰陣的確係有認識到啲新朋友，有男、有女嘅，追問有冇認識到啲令佢心動嘅男同學？Ali紅都面晒話識咗好多個Oppa，咦！咁有冇發展機會先？快啲去睇足本片聽女神心聲啦！
