【Viu】MIRROR嘅「95line」Anson Lo同Jeremy呢晚由韓國飛抵香港，大約喺凌晨12點步出機場VIP通道，一出嚟就興奮同神徒、Unicorn揮手打招呼！佢哋指呢次快閃韓國三日兩夜嘅特別任務就係同一位韓國天后級嘅跳唱idol排舞，事關嚟緊2月佢哋會喺香港開騷，網上已盛傳呢位天后歌手就係Sunmi宣美，撈米秒賣關子，淨係話一見到呢位歌手個心肝仔就卜卜咁跳，仲預告會挑戰跳hot爆嘅貼身舞添！講到呢個point佢哋就即刻勁怕醜啦！
雖然去得韓國幾日，但就見Anson Lo不忘喺story做吃播，佢解釋係為咗解同神徒Long D嘅相思之情，咁冧得唔得㗎？至於Jeremy就笑話意外重回當時拍《Mirror Go》拍攝場地，有冇蕩失路先？佢哋又有冇時間shopping？另外，想聽95line用韓文自我介紹、心心放題，就記住睇足本訪問啦！
