【Viu】天王劉德華順利完成20場跨年紅館騷《今天⋯is the Day劉德華巡迴演唱會2024》！騷後華仔keep住個hyper mode直接去慶功開香檳，又興奮話終於可以唔使戴口罩，解放個靚仔樣！華仔沾沾話呢次開騷算係歷年以嚟開得最舒服、最順暢！
講到華仔喺尾場忍唔住爆喊咗幾次，佢搞笑自爆尾場唔算喊得勁，又坦言初期開騷壓力好大，每日都驚身體有變數影響演出，但一完騷又發現其實可以繼續跳唱落去，咁華仔幾時再開騷先？有網民建議四大天王group埋一齊喺新場啟德開騷，華仔第一時間舉腳支持？
提及喺呢round演唱會都發生咗唔少小意外，例如喺窄台跣出去嗰part，華仔謂的確有令屋企人，特別係老婆朱麗蒨、同fans擔心，明白到就算幾小心都可能會發生意外，所以就喺動作上作出改動啦！
華仔冧爆指老婆同囡囡連埋海外站，一共撐足72場，係愛呀！華仔更篤爆囡囡每場騷後都會畀comment，就好似笑佢跳錯step！而華仔每場騷都結一次婚，20場加埋後宮唔止三千，「大婆」朱麗蒨有冇呷醋？驚唔驚遲啲出街被「老婆們」追家用？快啲去睇足訪問片啦！
