【Viu】賀歲片《祥賭必贏》今日喺商場舉行宣傳活動，獲太太Kay同寶貝女Kakaball撐場嘅張繼聰，喺台上台下大放笑彈，令拍檔「阿Sa」蔡卓妍完美演繹SLDPK！
阿Sa表示現實中同樣愛小賭怡情，仲爆Kenny同Yumiko係最強麻雀腳，6成靠運；自己就6成靠技術，明啦明啦！阿聰就話同角色一樣唔like賭錢，全因有「童年陰影」，仲因此喺片中鬧爆殿堂級前輩修哥！
講到Stanley踢爆阿Sa同祖兒大讚朱康靚仔，阿Sa就還原「事發經過」；好兄弟阿聰梗係要「腦補」一下，踢爆兩位天后覺得朱康同劉俊謙同Level，小編今日真係學咗好多嘢呀！講講吓，阿聰仲爆埋「朱凌凌」有意出歌，阿Sa即刻自薦要做MV女主角，真愛無誤！
此外，阿Sa親自回應好拍檔阿嬌喺Twins演唱會中被指暴肥一事，想了解更多就睇足本訪問啦！
