【Viu】「阿Sa」蔡卓妍、張繼聰、Stanley邱士縉、朱栢康、kayan9896今日現身商場為賀歲片《祥賭必贏》宣傳，大批Fans捧場，朱康除咗模仿「波波」們瘋狂尖叫「邱士縉」外，喺片中飾演Oppa嘅佢仲不停Chok Pose，訪問時又瘋狂暴走，揚言要搞到「阿聰個妹妹有反應」，連人哋細佬都想搞埋，笑到大表哥唔使練都有腹肌呀！
講到網友指朱康個Oppa妝似ERROR經理人濟哥，佢笑言證明濟哥都係靚仔一名；Stanley仲讚朱康靚仔過濟哥添！至於有指《12怪盜》為MIRROR 12子報名金像獎「最佳男主角」，大表哥就開腔回應喇！
此外，kayan9896就親解同「百億闊少」馬桂烽分手原因，仲澄清冇「豪門夢碎」添，想笑餐飽就睇足本訪問啦！
