【Viu】由Ivana王菀之、AK@MIRROR、童童@小薯茄、Rosa韋羅莎、白只、「阿卵」楊偉倫主演嘅舞台劇《SUCK樂園》，今日舉行記招，唯Ivana因要籌備個唱而未能現身！舞台劇「新丁」AK指既興奮又緊張，暫時未得閒向「前輩」Alton、Frankie偷師！佢預告暫定共15場或有機會分晏晝、夜場，加上有part係要跳唱，所以都好考體力，承諾呢期會盡力食肥自己！
童童劇透呢次大家都會一人分飾幾角，其中一個故事係同AK演情侶，會唔會有親密戲呢？AK終極透露二人要喺一個好窄嘅空間演對手，童童驚唔驚收刀片㗎？點知就撻着咗童童個霸氣mode，企隔離嘅AK都被佢surprise到！AK又篤爆江媽係小薯茄fans，成日都睇片送飯！面對兩大笑匠白只、阿卵，佢哋又忍唔忍到笑先？另外，童童最新IG post被一眾網民熱論，個個都好奇佢同J哥是咪拍拖，童童最終認愛定割蓆？
Rosa笑話因為同阿卵、白只太熟，所以同佢哋對眼多過2秒就想笑！不過「卵白」都唔認自己係罪魁禍首，反「斥」Rosa唔好好珍惜、唔認真演喜劇，其實單係呢句說話都已經好好笑！Rosa自稱轉數唔夠佢哋快難還口，但都諗到方法反擊，就係爆大鑊！佢爆咗有次on show嗰陣，白只喺台邊quick change除褲，當時個畫面係咪好養眼、好宏偉？
講到阿卵被選中做「班長」監督所有人排戲，自認曳學生嘅佢又點睇呢個新身份？再講如果有成員太曳係要見家長，阿卵聽見即幽默笑話好想見，好兄弟白只秒推薦見童童家長？白只又爆「未成年」嘅童童偷飲酒，係咪想笑死人？佢哋又點睇新丁AK呢？想笑死就睇足本訪問啦！
