【Viu】樂隊ROVER喺 「零碳演唱會」頭part出場，炒熱氣氛簡直係easy job呀！難得嚟到主題樂園，四子笑話本來想探吓熊貓，但結果啲熊貓被亨仔嚇跑晒？Kim、Jason Loi、希晉繼而笑爆隊中其實亦有隻熊貓，係邊個？答案呼之欲出啦！
Jason處男拍劇參演港版《無用的謊言》有咩感受？佢話終於體會到拍劇嘅辛苦，同姜濤係有最多嘅對手戲，拍完都熟落咗！笑談喺戲劇範疇中佢喺隊中係前輩，亨仔不甘示弱自認都有拍過劇，即場重演Jason劇中情境，又搞笑評Jason有進步空間！唔知四子之後想挑戰咩角色？亨仔點解突然又被封做「ROVER百變怪」？
YT周殷廷喺叱咤中冇抱緊阿正被笑指係二次傷害，呢單嘢佢又點拆先？佢突然轉深情mode，話有一番說話要透過鏡頭同阿正講，點知換嚟係四度傷害阿正，YT大哥發生咩事？呢日YT有好消息宣布，指已重新同環球唱片簽約，條款包括係開紅館騷，YT即隔空邀阿正做嘉賓重演抱抱！
講到喺叱咤中視為攞獎大熱嘅YT，失落獎項有失望？佢自稱應該係佢攞大滿貫先啱，皆因貼中四個女歌手獎？至於問到當晚係咪真係有同JFFT去搵MIRROR打招呼，YT又點答？
另外，完咗華納約後、久未露面嘅Janice衛蘭話好掛住大家，自由身嘅呢年最大感受係咩？佢直言有搵返團火，好鍾意現狀咁free：「好似返唔到轉頭！」佢更預告4月開始會舉行巡唱，年尾會以「屋企」香港站做總結添！
