【Viu】黃凱芹換上黃色西裝登場，狂飆高音獻唱巫啟賢嘅首本名曲《心酸的情歌》，接住唱周慧敏嘅《假裝》時仲輕輕晒舞功，最驚喜係「例牌嘉賓」周慧敏今晚選擇喺台下做觀眾，仲因為要捧老Best場而改期帶愛貓睇醫生，又邊睇邊「直豎姆指」讚好，果然夠老友！
其後「Hi-Fi天后」陳潔麗任嘉賓，喺杜自持嘅手風琴伴奏後送上彭羚嘅經典金曲《小玩意》。唱完「別人的歌」後，Chris換上Bling Bling黑西裝獻唱《焚情》，仲低調派心心，各位眼利嘅觀眾收到晒未呀？
此外，周慧敏人到花到，送上花籃祝賀，而劉德華、鄭丹瑞亦有送上花籃。
