【Viu】林家謙坦言今晚商台頒獎禮失唱作人同男歌手金獎唔失望，事關「銅獎」一樣係金字邊，同樣含金量十足，亦戥Ian奪金開心，但唔認係「後浪推前浪」，係咪好想知點解呢？講到日前公佈8月再開紅館騷，家謙笑言係湊最近《破．地獄》掀起嘅「紅磡熱」，百無禁忌咁話要跳「The Last Dance」，最希望係請到許冠文同許冠傑睇騷，仲自爆已無限Loop許冠文讚自己嘅訪問！至於老友Tyson「露半球」登場，家謙當然有一套獨到又鬼馬嘅睇法啦，想笑住瞓記得睇訪問喇！
此外，賽前大熱嘅Jay Fung戥Ian「登頂」高興，但坦承自己有少少失望，最慘係要忍尿等拎「至尊歌曲」呀！Cloud就話好開心入行3年已經可以染指女歌手獎，仲即席錫錫呵返「失金」嘅Jay Fung！
