【Viu】天王劉德華巡唱香港站《今天⋯is the Day劉德華巡迴演唱會2024》噚晚喺紅館順利開唱！唔少圈中老友Kelly陳慧琳、GiGi梁詠琪、曾華倩、楊受成夫婦、薛家燕等興奮捧場，GiGi入場前已表示希望聽到華仔唱佢嘅出道電影《烈火戰車》主題曲《情深的一句》，點知尾聲前華仔對住台上GiGi堅唱咗，回憶殺呀！又搞到GiGi眼濕濕。GiGi同Kelly更企起身派心俾華仔，勁Sweet！
呢晚華仔更火力全開冧Fans，除咗指揮全場嗌「我愛你」，更叫大家講「我願意」，然後就指住台上女歌迷sssss講：「你以後就可以叫我老公喇！我以後見到女嘅就叫佢老婆！」喂呀邊瞓得着呀！快啲入嚟一齊做華仔老婆啦！
