【Viu】三個女人一個墟！當舞台劇《香港式離婚》編劇黃詠詩，加上主演「蝦頭」楊詩敏、Kate楊淇，喺公演前夕聚埋一齊又有咩料爆？而呢次舞台劇仲有「神級夢幻組合」黃子華、劉嘉玲加持，記得子華神喺記招自爆呢次角色係佢出面爭取番嚟，當中有冇使出美男計？咁就要靠黃詠詩還原成個「搲撈」過程啦！
《香港式離婚》五度喺舞台上公演，呢round更係做足58場，黃詠詩稱喺選角方面，蝦頭同Kate都係佢不二之人選！其中Kate仲係二度飾演Emily，呢次佢會有咩突破？Kate指Emily呢個角色好幸福，同每個人都會有對手戲，最深刻嘅一場就係要畀子華神flirt，唔知實情係會有幾親密？真係葡萄死人啦！
至於蝦頭就係「情感濃烈」擔當，挑戰飾演一位高貴優雅嘅闊太，話超感謝黃詠詩發掘到佢可以有呢一面！蝦頭又指好開心可以同嘉玲姐做咗老best，雖則佢笑話嘉玲姐同佢排戲嗰陣成日焗蟹，但蝦頭話有次同嘉玲姐摸酒杯底嗰陣，對方同佢分享咗好多事，令佢有所覺悟！而原來嘉玲姐都好鍾意開心share，黃詠詩稱簡直係有問必答，就連私人事都大方拎出嚟講，當堂嚇窒黃詠詩，到底係有幾私密？即刻睇專訪咪知囉！
