【Viu】鄭伊健、Ian陳卓賢、Cecilia蔡思韵、Natalie許恩怡今晚出席新片《久別重逢》首映，兩大男神伊健同Ian首度合作，當然吸引大批Fans捧場，嗌到拆天呀！
講到Ceci「斗膽」話細細個睇伊健嘅戲大，Ian就笑言唔敢咁講，伊健聞言即「扮嬲」走人，聽到有網友將Ian戲中嘅學生相同伊健那些年嘅廣告校服Look做組圖，伊健即刻話：「點解要咁殘忍？」呢位大細路真心Cute㗎！
對於被許恩怡爆精力充沛，喺片場狂練hit爆網絡嘅「Slick back」，伊健哥哥親解箇中原因；Ian仲趁機澄清上次透露伊健收工時會跳「開心舞」，並非因為前輩趕收工，而係氣氛擔當啫！
講到忠實Hellosss羅淑佩升任「文化體育及旅遊局局長」；同埋有Fans以5.8萬投得「Hellosss」字樣車牌，Ian都大方回應，想知就睇足本訪問啦！
