【Viu】ViuTV原創劇《IT狗2.0》今日進行拜神儀式，Lokman、Frankie同Stanley以劇中造型現身，Lokman以中間分界Look現身，仲即席嚟個懷舊《對你愛不完》舞步，笑Cry呀！三子直言唔可以劇透，擔心要坐監，但就踢爆岑珈其頻頻「放蟹」，搞到笑場！講到上集Hit爆嘅「大台理論」，「星之子」Tony坦言「人在理論在」，但礙於「保密協議」唔講得！
至於「Never」Frankie就分享「夜粥小組」有咩宣傳大計，預告喺what’s app群組會發放彩蛋。而Stanley就好葡萄姜濤可以同NBA傳奇球星同場打波，仲笑佢因此喺903籃球賽留力，又劇透同柯震東有合作大計添呀！
此外，凌文龍同岑珈其都笑認比3年前發福唔少，但原班人馬再合作就笑聲不斷，互相取笑！珈其仲話希望自己喺《破．地獄》嘅戲份可以重見天日，期待為加長版謝票！
