【Viu】姜濤噚晚現身澳門參加《NBA傳奇名人賽》，同6位NBA傳奇球星包括Tracy McGrady 、Stephon Marbury 、DeMarcus Cousins、Ray Allen、Tony Parker同Cuttino Mobley同場獻技，仲有台灣歌王蕭敬騰、王陽明、汶萊男神吳尊、泰國男神Bright等，香港代表仲有「籃球女神」Mandy譚旻萱、余文樂同周柏豪等！
由於唔少「姜家人」過大海撐偶像，姜濤一出場隨即全起尖叫，只見向來怕醜嘅姜Admin有啲啲尷尬，老蕭即捉實「怕醜姜」轉個靚圈；吳尊仲教姜姜送飛吻，姜Admin即大方照做送吻冧爆「姜家人」，So Sweet！
「籃神姜」噚晚打足4節共落場48分鐘，更手風超順，個人勇奪13分，5個助攻，成為各地藝人之冠，仲喺Tony Parker助攻下入咗球超靚3分波，又不時助攻老蕭，結果姜Admin嗰隊以109:83贏咗比賽，連NBA都喺社交網站出片力讚：「姜濤上半場發揮全面，突破上籃、搶下籃板，加上三分遠射！」仲附上100分emoji，叻仔呀！
