【Viu】有「鬼王導演」之稱嘅彭發回歸香港再顯驚嚇本色，身兼導演加編劇兩職，拍攝最新港式鬼片《手機見鬼》！由「Ca姐」Jessica陳苡臻@試當真、大馬女神林明禎、譚淇淇、陳星妤主演，以電話帶出一個超血腥嘅霸凌復仇故事！
彭導呢次更係呼應戲名，成套戲全程都淨係用手機拍攝，莫非用手機拍攝係電影界嘅新trend？Budget上又係咪可以cut cost？飾演被欺凌後化身厲鬼嘅Ca姐，劇透戲中除咗有被拳打腳踢、撞頭埋牆嘅畫面之外，仲有一場係戲係要被火燒掌心至少十秒！真係聽見個心都揪住勁心痛，Ca姐究竟係點樣承受得住？咁啱嗰陣Ca姐因重病搞到嚴重失聲，但點知反而係幫到佢喺角色上嘅發揮！唔知佢又有冇向獲提名金馬影帝嘅男友游學修取經呢？
雖則彭導笑話其實拍鬼片現場係好滑稽、一啲都唔恐怖，但佢就話有一場墓場戲嘅現場氣氛係極度詭異，甚至全場人都覺得好不安，其中一位臨記仲係有好大嘅「反應」添！佢一爆再爆明禎拍鬼屋戲份嗰陣險「撞嘢」，嚇到個心肝仔都離一離呀！而Ca姐亦加料自爆近期親身「瀨嘢」故事，最後係要出動師傅幫手趕走孤魂野鬼，都咪話唔恐怖！如果mon前嘅你想測試膽量咁就啱啦，9秒9 click入專訪片，記住小心你部電話呀～
