【Viu】華納Family今日派出Tim@Dear Jane、Jackal@Dear Jane、Gareth.T、Moon Tang、Gigi張蔓姿同Nancy Kwai上《903籃球賽》戰場！唔知佢哋滿唔滿意自己嘅表現？個個都舉手笑話掂到個波，但有邊個攞到分先？見Gareth.T左膝包紮住，佢自爆喺場上受傷流血！而Jackel亦稱係帶傷上陣，respect！
有報道指華納同叱咤擘面，Tim聽到即O嘴話：「真係幾好笑！」繼而稱已經ready好叱咤當晚着嘅衫，又帶領一眾師兄妹約定大家1月1日見，以行動粉碎不和傳聞！佢又對MC張天賦被踢出我最喜愛5強表示係公眾投票，完全唔關事！至於Dear Jane連續12年佔我最喜愛組合最後5強一席位，Tim謙稱已經贏咗！
擘面報道中亦拉埋YT周殷廷落水，指佢係前華納「棄將」，呢單嘢搞到YT百思不得其解，自稱雖然依家仲係自由身，但同返環球簽約嘅可能性好大！講到鍾雪瑩新鮮滾熱辣封金馬影后，死黨JACE陳凱詠開心到r瘋狂彈跳，更眼濕濕咁恭喜好友添！唔知佢哋對自己分別入「我最喜愛的男/女歌手」又有咩感受？即刻睇足本訪問啦！
