【Viu】Louisa麥明詩今日出席護膚品活動，以白色貼身裙展示5個月巨肚，雖然上圍明顯升Cup，但手腳依然纖幼，仲貪靚著4吋厚底高踭鞋示人，藝高人膽大呀！
Louisa透露BB係「蛇B」，預產期係明年3、4月，但避談BB性別，保留些少神秘感咁話！Louisa坦言懷孕初期有孕吐不適，依家情況改善先可以提早賺奶粉錢，又趁機大讚老公盛勁為勁貼心，經常提點自己食嘢，又陪自己做運動，又Mark定假陪自己同父母去旅行，So Sweet！
Louisa又指已向早排榮升媽咪嘅好友朱千雪取經，咦？咁佢係咪佗女，可以同千雪個仔對親家呢？睇足本訪問就知啦！
