【Viu】影帝謝君豪為ViuTV全新真人騷《選角》首任策劃人，碌爆友情卡邀請一眾好戲之人做導師同評判外，原來第一張碌嘅卡正正係Peter陳湛文，全因呢位演藝師弟夠搞笑咁話！首次做主持嘅Peter大呻難度高，除咗要保持7分清醒去控場之外，連感動都要「偷偷摸摸」；豪哥都直言為協助一眾參賽者搞到食唔安瞓唔樂，兩位真係超有Heart呀！
豪哥同Peter暢談印象最深刻嘅參賽者，豪哥又自爆唔小心「水」咗其中一位做100吓掌上壓，仲即席示範點樣剛柔並重咁因材施教，將Peter嘅柔軟筋骨首度公諸於世，笑到有腹肌呀！
最後豪哥同Peter解構「演員到底係先天定後天」呢個大議題，想了解兩位演技派嘅睇法，呢個訪問保證大家袋到好多錢落袋呀！
