【Viu】成軍兩年多，COLLAR最近推出首張EP《Unit 1201》，除咗係代表0112呢個出道大日子之外，仲以Roadtrip為題打造四部曲，講述佢哋歷盡艱辛集齊7位隊員，重返總部Unit 1201集合！COLLAR今次專程去咗越南拍攝MV，7位女神仲各自使出大絕博到盡！
講到其中《CALL BACK IN 20》係想像緊二十年後嘅COLLAR，7位靚女開心share自己嘅人生藍圖，笑到有腹肌呀！COLLAR坦言今次出實體碟就好似同歌迷共同擁有一份紀念品一樣，大家可以喺20年後拎返出嚟細味，仲分享埋那些年第一次買嘅CD歌手係邊位，講講吓連「好鵬友」都爆埋出嚟，想睇COLLAR點樣暴走，呢個訪問真係笑聲笑聲滿載溫馨呀！
