【Viu】Albert區瑞強噚晚喺伊利沙伯體育館舉行首場《區瑞強全民共享同你有親演唱會2024》，唱出一連串經典中英文歌，好聽到想喊呀！人緣好好嘅Albert，全晚共請咗修哥胡楓、彭家麗同胞弟彭皓鋒、麥潔文同囡囡陳薔天做嘉賓，勁熱鬧！
修哥仲帶埋4位曾孫同台合唱《世上只有》，So Warm！Albert笑謂：「我諗應該可以納入健力氏大全！」修哥表示滿意曾孫s表現，又透露佢哋為演出努力練歌，而曾孫們都大讚修哥係「好太公」。台上Albert又笑修哥擸晒粵語片女明星，點知修哥精靈神回：「一個都冇擸到！」笑C！
彭家麗同彭皓鋒合唱名曲《從不喜歡孤單一個》，二人表示成日孖住登台，皓鋒更喺台上為家姐向觀眾s招親，相當鬼馬。而麥潔文同囡囡合唱《初戀》，又爆當年主動送感謝卡俾老公江華而結緣，囡囡表示「學到嘢」。佢又即席「安排」將囡囡過契俾Albert做契女添！
