【Viu】嚟到年尾，又到Jer@MIRROR柳應廷生日啦！歌迷會今年以「Stay Gold Be Bold」搞咗一個為期兩星期嘅生日應援展，喺正式公開展出前，小編率先帶各位柳炒行個靚圈，介紹入面有咩打卡位啦！一入到門口就聽到Jer用迷人嘅聲線向柳炒嘅窩心留言，sweet到痺呀！而對面就有一大幅「星空留言板」，各位柳炒記得留返個愛的message畀金Jer啦！
場內爆多打卡位，特別要highlight嘅係有3個MV展區，包括《月居人》、《約齊靈魂在墳墓開生日派對》、《筆觸男孩憂鬱之死》，除咗展出Jer喺MV嘅衫之外，仲有道具添，打卡一流！記得！記得！記得！（重要嘅嘢要講3次！）記得吸cute版Jer印仔呀！最後，仲有Fan Art作品、扭蛋區，禮物超豐富㗎！喺度預祝Jer 32歲 Happy Birthday，繼續唱多啲好歌畀柳炒！
