【Viu】MIRROR成員Jeremy李駿傑今朝出發去日本參加《TIMM SHOWCASE LIVE》，為聽晚舉行嘅「Asia Day」表演，首次單拖去海外演出嘅Jeremy，直言緊張到失眠，不斷反覆練習日文，至於米米要講咩咁緊張呢？到時咪知囉！
Jeremy預告會唱日文歌，為求完美，事前係咁叫金Jer聽吓唱成點，仲感恩圖報咁撐阿Jer唔係「肥嘟嘟」，而係「滑嘟嘟」，喂呀！冇瞓覺都咁精靈㗎咩？除咗唱日文歌，Jeremy仲劇透會同一位日本當紅男歌手拍Dance Challenge，又分享一個「沾沾奇遇記」，原來佢試過畀櫻花妹誤認係當紅韓國男團成員，大家估唔估到係邊個呀？
向來寵粉嘅Jeremy又感激Unicorns越洋應援，甚至組團去東京睇自己演出，好Respect大家嘅主動，事關自己只敢「被動追星」，但最後都鼓起勇氣公開爭取同一位韓星合唱，想知就睇足本訪問啦！
