【Viu】國際著名時裝品牌時裝騷第二場實況達陣，繼續為大家傳送型男索女靚片！周潤發同太太發嫂壓軸登場，發哥受訪時搞笑自稱一身打扮係教授look，仲話應該有事隔8、9年未見過「K-Pop王者」G-Dragon，轉頭要集個靚郵！
渣馬賽事明年2月開跑，69歲嘅發哥指報咗半馬，抵死笑話再跑全馬會死得人！依家每日keep住跑10k訓練，對有網民指發現到發哥大腿肌肉腫脹到好似乒乓波咁，佢先鬼馬笑話係自己用鎚仔揼到咁，然後報平安指冇事：「腫到成個菠蘿咁就要入急症㗎啦！」但又點解會腫成咁嘅？
提起有網民野生捕獲發哥幫唐詩詠拉筋，「周大夫」妙答：「佢病入膏肓！」咁大鑊？咁有冇得化解？點知周大夫話詩詠撞嘢撞到周身硬，咁都真係有啲kick手喎！
G-Dragon呢日一改「奶奶風」打扮，走粉紅男路線！人未行入到會場就聽到出面fans喪尖叫，而喺影相嗰陣GD親民揮手兼大派GD式心心，足足逗留咗大約2分鐘！
專登飛返香港嘅陳法拉bling bling登場，完全唔似生咗一對仔女嘅身材，勁令人葡萄呀！劉嘉玲以一身高貴look現身，見到久未露面嘅徐濠縈即刻say個hi！本地型男就有馮德倫；本地索女有氣質滿滿嘅陳蕾、蔡思韵、韋羅莎、鍾雪瑩、陳漢娜等！
外國代表有品牌大使西班牙國寶級女演員Penélope Cruz，全白look勁優雅；烏干達裔加拿大籍新生代女演員、有「比利時小天后」之稱嘅Angèle，娃娃樣配長腿！即刻去睇實況片啦！
