【Viu】「DIVA正」處女talk show圓滿結束，阿正尾場完騷後受訪依然風趣，自評處女騷表現值8分，仲話由知道要開騷第一日已經諗嘉賓名單，於是向身邊最靚仔嘅朋友埋手，Jeremy同Jeffrey當然毫無懸念，又笑指最後先「醒起」Sister Edan，真朋友先咁玩得啫！
阿正不諱言有7分係因為男神Jeremy同Jeffrey挑逗兼錫手背，所以已經3日冇洗手咁話喇！阿正又話估唔到Jeremy會爆Seed挑逗自己，搞到心肝仔卜卜跳，又自爆跳辣身舞時硬晒軚似晨運。對於Jeffrey爆肚指對住阿正「唔夠硬」，正姐就另有睇法喇，仲爆埋男神底底顏色添，喂呀！咁True得唔得㗎！
講到喺Talk Show中分享情史，仲以「妖孽賤貨」稱呼前男友嘅新歡，阿正就爆笑回應喇！想臨瞓前笑餐飽記得睇足本訪問！
此外，教主、Jeremy、Jeffrey同Hillary喺完騷後「直豎姆指」讚好，猜包剪揼輸咗畀正姐畫花面嘅撈撈仲大方晒「戰績」！
