【Viu】「波姐」馮素波今日喺戲曲中心舉行《峰波情末了》藝術傳承音樂會，事前有指呢個騷係已屆80歲嘅波姐嘅最後個人音樂會，但喺訪問嗰陣波姐就否認，揚言未封咪，會一直唱落去、一直主持落去，除非冇得唞氣！
活躍喺social media嘅波姐，日前喺IG post咗馮氏三姊妹嘅合照，有唔少網民留言三姊妹好似樣，特別指妹妹馮素雲個樣比佢更似Anson Lo，唔知波姐又覺得係咪呢？講起MIRROR，波姐日前就晒咗張同12子嘅合照，提返起呢件事，就秒撻着波姐個hyper mode，仲還原返當時喺電台見12子嘅經過，冧爆讚Lokman、AK畀咗個中間位佢坐！最搞笑係波姐話成功集郵後，見到Do姐原來一直企喺隔離！
波姐有份參演嘅《出租大叔》依家熱播中，佢話難忘喺劇中同班大叔跳Tango，之後更隔空自薦同MIRROR拍劇，話跳Tango都ok㗎！唔止添呀，波姐仲拋多咗條橋出嚟，各大投資者真係可以度度佢！即刻送上足本訪問！
